நயன்தாரா படத்தின் டைட்டில் ‘டிக் டிக் டிக்’ இல்லை
மாயா, நானும் ரெளடிதான், தனி ஒருவன், ஆகிய தொடர் வெற்றி படங்களில் நடித்த நயன்தாரா தற்போது காஷ்மோரா, இருமுகன் ஆகிய படங்களில் நடித்து வருகிறார்.
இந்நிலையில் பிரபல இயக்குனர் சற்குணம் தயாரிப்பில் ஒரு திகில் படத்தில் நடிக்க நயன்தாரா ஒப்பந்தமாகியிருந்தார். இந்த படத்தை சற்குணம் அவர்களின் உதவியாளர் தாஸ் இயக்குகிறார்.
இந்நிலையில் இந்த படத்தின் டைட்டில் ‘டிக் டிக் டிக்’ என்ற தகவல் கடந்த இரண்டு நாட்களாக சமூக வலைத்தளங்களில் வலம் வந்து கொண்டிருக்கின்றது. இந்த டைட்டிலில் ஏற்கனவே பாரதிராஜா இயக்கத்தில் கமல் நடித்துள்ளார் என்பது குறிப்பிடத்தக்கது.
இந்நிலையில் இந்த படத்தின் டைட்டில் ‘டிக் டிக் டிக்’ இல்லை என்றும் இந்த டைட்டிலை தேர்வு செய்தால் தமிழக அரசின் வரிச்சலுகை கிடைக்காது என்றும் கூறிய படக்குழுவினர் விரைவில் ஒரு நல்ல தமிழ் டைட்டில் தேர்வு செய்யப்படும் என்று கூறியுள்ளனர்.
