அஜித்தின் அடுத்த படத்தில் தேசிய விருது பெற்ற நடிகை !
தல அஜித் நடித்த ‘விஸ்வாசம்’ திரைப்படம் கடந்த 10ஆம் தேதி வெளியாகி மக்களிடையே நல்ல வரவேற்பை பெற்றுள்ளது.மேலும் தமிழகத்தில் மட்டும் 100 கோடிக்கும் மேல் வசூலான முதல் திரைப்படம் என்ற சாதனையையும் இந்த படம் பெற்றுள்ளது.
இந்த நிலையில் அஜித்தின் அடுத்த படமான ‘தல 59’ படத்தின் படப்பிடிப்பு விரைவில் தொடங்கவுள்ளது. இந்த படம் இந்தியில் வெற்றி பெற்ற ‘பிங்க்’ படத்தின் ரீமேக் என ஏற்கனவே தெரிவிக்கப்பட்டிருந்தது. இந்த படத்தின் மூன்று முக்கிய நாயகிகள் நடிக்க உள்ள நிலையில் தற்போது தேசிய விருது பெற்ற நடிகை வித்யாபாலன் இந்த படத்தில் நடிக்க ஒப்பந்தமாகி உள்ளார்.
சமீபத்தில் வித்யாபாலன் அளித்த பேட்டி ஒன்றில் கூறியபோது, ‘பொதுவாக எனக்கு ரீமேக் படத்தில் நடிப்பதில் உடன்பாடு இல்லை. ஆனால் இந்த படத்தில் ஒரு சிறப்பு தோற்ற கேரக்டர் இருப்பதாக கூறி போனிகபூர் எனக்கு அழைப்பு விடுத்தபோது என்னால் மறுக்க முடியவில்லை. அவர் மீது நான் வைத்திருக்கும் மரியாதை காரணமாகவே இந்த படத்தில் நடிக்க ஒப்புக்கொண்டேன். இதுவொரு சிறிய கேரக்டர் தான் என்றாலும் அவருக்காக இந்த கேக்ரடரில் நடிப்பதில் எனக்கு மகிழ்ச்சி என்று கூறியுள்ளார்.
