அஜித், விஜய் ரசிகர்களால் திணறிய தென்னாப்பிரிக்கா பந்துவீச்சாளர்
அஜித், நயன்தாரா நடிப்பில் டி.இமான் இசையில் இயக்குனர் சிவா இயக்கத்தில் உருவாகியுள்ள ‘விஸ்வாசம்’ படத்தின் ‘அடிச்சு தூக்கு’ சிங்கிள் பாடல் சமீபத்தில் வெளியாகி மிகப்பெரிய வரவேற்பை பெற்றது. இந்த நிலையில் அஜித் ரசிகர் ஒருவர் தென்னாப்பிரிக்க பந்துவீச்சாளர் டேல் ஸ்டெயினின் டுவிட்டர் பக்கத்தில் அடிச்சு தூக்கு போஸ்டர் ஒன்றை பதிவு செய்து அதில் அஜித் குறித்த சில விஷயங்களையும் பதிவு செய்தார்.
இதை பார்த்ததும் ஒன்றும் புரியாத ஸ்டெயின், இவர் யார்? இது என்ன? இங்கே என்ன நடக்குது? என்று கேள்வி எழுப்பினார். உடனே அஜித் ரசிகர்கள் அவருக்கு அஜித் குறித்தும், அவர் நடித்த விஸ்வாசம் படம் குறித்தும் கமெண்ட் பகுதியில் விளக்கினர்.
இந்த நேரத்தில் திடீரென உள்ளே வந்த விஜய் ரசிகர்கள், அஜித்தை மீம்ஸ் செய்து அதே கமெண்ட் பகுதியில் பதிவு செய்தனர். அஜித், விஜய் ரசிகர்களின் தொடர்ச்சியான கமெண்ட்டுகக்ளால் திணறிய ஸ்டெயின் அதிர்ச்சி அடைந்து டுவிட்டர் பக்கத்தை மூடிவிட்டு சென்றுவிட்டார்.
What’s happening Twitter?
— Dale Steyn (@DaleSteyn62) December 10, 2018
