அமெரிக்க இசை நிகழ்ச்சியில் துப்பாக்கி சூடு: 50க்கும் மேற்பட்டோர் பலி
கடந்த சில மாதங்களுக்கு முன்னர் லண்டனில் இசை நிகழ்ச்சி ஒன்று நடைபெற்று கொண்டிருந்தபோது வெடித்த வெடிகுண்டால் பலர் மாண்ட அதிர்ச்சியே இன்னும் நீங்காத நிலையில் இன்று அமெரிக்காவில் திறந்த வெளியில் நடந்த நிகழ்ச்சியில் நடத்தப்பட்ட துப்பாக்கி சூடு பெரும் பதட்டத்தை ஏற்படுத்தியுள்ளது.
உயரமான கட்டிடத்தில் இருந்து துப்பாக்கியால் சுடப்பட்ட இந்த சம்பவத்தால் ஐம்பதுக்கும் மேற்பட்டோர் பலியானதாகவும், 400க்கும் மேற்பட்டோர் காயமடைந்துள்ளதாகவும் வெளிவந்துள்ள தகவல் அமெரிக்கா மட்டுமின்றி உலக நாடுகளை அதிர்ச்சியில் ஆழ்த்தியுள்ளது.
இந்த கொடூரமான துப்பாக்கி சுடு சம்பவத்திற்கு ஐ.எஸ். பயங்கரவாத அமைப்பு பொறுப்பேற்றுள்ளது. இந்த தாக்குதலுக்கு இந்திய பிரதமர் மோடி உள்பட உலகத்தலைவர்கள் கண்டனம் தெரிவித்துள்ளனர்.
