ஆர்.கே.நகர் இடைத்தேர்தலில் களமிறங்குகிறார் எம்ஜிஆர் நேரடி வாரிசு

ஆர்.கே.நகர் இடைத்தேர்தலில் களமிறங்குகிறார் எம்ஜிஆர் நேரடி வாரிசு

முன்னாள் தமிழக முதல்வர் ஜெயலலிதா மறைவின் காரணமாக சென்னை ஆர்.கே.நகர் இடைத்தேர்தல் வரும் 21ஆம் தேதி நடைபெறவுள்ளது. இந்த தேர்தலில் போட்டியிட ஏற்கனவே அதிமுகவின் மதுசூதனன், திமுகவின் மருதுகணேஷ், பாஜகவின் கரு நாகராஜன், நாம் தமிழர் கட்சியின் கலைக்கோட்டுதயம் மற்றும் டிடிவி தினகரன், தீபா உள்பட பல சுயேட்சை வேட்பாளர்கள் மனுதாக்கல் செய்துள்ளனர்.

இந்த நிலையில் முன்னாள் தமிழக முதல்வர் புரட்சி தலைவர் எம் ஜி ஆர் அவர்களின் ரத்த வாரிசும் எம்ஜிஆர் அவர்களின் அண்ணன் திரு.சக்கரபாணி அவர்களின் மகனுமான திரு.M .C.சந்திரசேகர் என்ற M.G.C.சந்திரன் ஆர்.கே நகர் தேர்தலில் சுயேட்சை வேட்பாளராக வேட்புமனு தாக்கல் செய்யவுள்ளதாக தகவல்கள் வெளிவந்துள்ளது.

இன்று மதியம் 12.30 மணிக்கு சுயேட்சை வேட்பாளராக நடிகர் விஷால் வேட்புமனுதாக்கல் செய்யவுள்ள நிலையில் அதே நேரத்தில் எம்ஜிஆரின் வாரிசு ஒருவரும் வேட்புமனு தாக்கல் செய்யவுள்ளதால் பரபரப்பு ஏற்பட்டுள்ளது.