ஆஸ்கார் விருது வென்ற தயாரிப்பாளர் மீது குவியும் நடிகைகளில் பாலியல் குற்றச்சாட்டு
நடிகைகளுக்கு பாலியல் தொல்லை என்பது உலகம் முழுவதும் நடைபெறும் கொடூரம் என்பது ஹாலிவுட் நடிகை ஏஞ்சலினா ஜோலி வெளியிட்ட அதிர்ச்சி தகவல்களில் இருந்து தெரியவருகிறது.
பிரபல ஹாலிவுட்டின் பிரபல தயாரிப்பாளர் ஹார்வி வெய்ன்ஸ்டீன் என்பவர் தன்னிடம் தகாத முறையில் நடக்க முயன்றதாகவும், அவரிடம் இருந்து தான் அதிர்ஷ்டவசமாக தப்பித்ததாகவும் சமீபத்தில் அறிவித்தார். ஏஞ்சலினா ஜோலியை தொடர்ந்து ஆஸ்கார் விருது வென்ற படங்களைத் தயாரித்த ஹார்வி வெய்ன்ஸ்டீன் மீது பல நடிகைகள் பாலியல் குற்றச்சாட்டுகளை முன்வைத்துள்ளனர்.
ஹாலிவுட் பிரபல நடிகையான பால்ட்ரோ என்பவரும் ஹார்வி மீது பாலியல் குற்றச்சாட்டை தெரிவித்துள்ளார். இன்னும் சில நடிகைகள் பயம் காரணமாக தங்களுக்கு நடந்த கொடூரத்தை வெளியே சொல்லாமல் இருப்பதாகவும் அவர் தெரிவித்தார்.
இந்த நிலையில் ஜேம்ஸ்பாண்ட் படங்களில் நடித்த லியா செய்டொக்ஸ் என்ற நடிகையும் ஹார்வி தன்னிடம் தகாத முறையில் நடந்து கொண்டதாக தெரிவித்தார். தொடர்ச்சியாக நடிகைகள் கூறி வரும் பாலியல் குற்றச்சாட்டுகளால் ஹார்வி பெரும் சிக்கலில் இருப்பதாக தெரிகிறது.
