இந்தியாவின் முதல் திருநங்கை பல்கலைக்கழகம்: எங்கு திறக்கப்படுகிறது தெரியுமா?
திருநங்கைகளுக்கு என நாட்டின் முதல் பல்கலைக்கழகம் உத்தரப் பிரதேசத்தில் விரைவில் திறக்கப்பட உள்ளது.
மூன்றாம் பாலினத்தவர்களாகிய திருநங்கைகள் கல்வியறிவில் மேம்பட உத்தரபிரதேசத்தில் உள்ள குஷிநகர் மாவட்டத்தின் பசில்நகரில் அமைக்க திட்டமிட்டுள்ளது. இங்கு திருநங்கைகள் 1ம் வகுப்பு முதல் முதுநிலை படிப்பு வரை படிக்கலாம். இது தவிர அவர்கள் ஆராய்ச்சி படிப்பும் படிக்கலாம். இதுகுறித்து திருநங்கைகள் வளர்ச்சிக்கான அறக்கட்டளை தலைவர் கிருஷ்ண மோகன் மிஸ்ரா கூறியதாவது:
நாட்டிலேயே முதல்முறையாக திருநங்கைகள் கல்வி பயில்வதற்கு வசதியாக பல்கலைக்கழகம் தொடங்கப்படுகிறது. இதற்கான பணி ஏற்கனவே தொடங்கி விட்டது. வரும் ஜனவரி 15ம் தேதி இந்த பிரிவை சேர்ந்த 2 குழந்தைகள் கல்வி கற்க அனுமதிக்கப்பட உள்ளனர். வரும் மார்ச் மாதம் பிறவகுப்புகள் தொடங்கப்படும். இதன் மூலம் திருநங்கைகள் ஒன்று முதல் பிஎச்டி வரை படிக்கலாம். இவ்வாறு அவர் தெரிவித்தார்.
