இரண்டு தமிழ் நடிகைகள் ஒரே தொகுதியில் நேருக்கு நேர் போட்டியா?
தேர்தல் என்றாலே அதில் நடிகர் , நடிகைகள் போட்டியிடுவது சகஜமாகி வரும் நிலையில் ஆந்திராவில் உள்ள ஒருதொகுதியில் இரண்டு தமிழ் நடிகைகள் ஒரே தொகுதியில் நேருக்கு நேர் மோதும் நிலை உள்ளது
ஆந்திராவில் உள்ள நகரி தொகுதியில் ஒய்.எஸ்.ஆர். காங்கிரஸ் கட்சியின் சார்பாக நடிகை ரோஜா போட்டியிடுகிறார். இவரை எதிர்த்து தெலுங்கு தேசம் கட்சியில் நடிகை வாணி விஸ்வநாத் போட்டியிடவுள்ளதாக கூறப்படுகிறது. இருப்பினும் தெலுங்கு தேச கட்சியின் வேட்பாளர் பட்டியல் வெளியான பின்னரே இந்த தகவல் உறுதி செய்யப்படும்
நடிகை ரோஜா தமிழ் சினிமாவில் கடந்த 90கள், 2000ஆம் ஆண்டுகளில் ரஜினி உள்பட முன்னணி நாயகர்கள் நடித்த படங்களில் நடித்த முன்னணி நடிகையாக இருந்தவர் என்பதும் நடிகை வாணி விஸ்வநாத், விஜய்காந்த் நடித்த ‘நல்லவன்’, ‘பூந்தோட்ட காவல்காரன்’ உள்ளிட்ட ஒருசில தமிழ்ப்படங்களில் நடித்தவர் என்பதும் குறிப்பிடத்தக்கது
