என்னை ப.சிதம்பரம் மகனாக பார்க்க வேண்டாம்: கார்த்திக் சிதம்பரம்
சிவகங்கை தொகுதியில் காங்கிரஸ் வேட்பாளராக கார்த்திக் சிதம்பரம் அறிவிக்கப்பட்டதில் இருந்தே காங்கிரஸ் கட்சிக்குள்ளே பல்வேறு விமர்சனங்கள் வந்து கொண்டிருக்கும் நிலையில் கார்த்திக் சிதம்பரம் தன்னை பற்றியான விமர்சனங்களுக்கு பதிலளித்துள்ளார்.
ப. சிதம்பரத்துக்கு மகனாக பிறந்தது என் விதி என்றும், ப. சிதம்பரத்தின் மகன் என்பதால் பல்வேறு விமர்சனங்களை சந்திப்பதாகவும் கூறிய கார்த்திக் சிதம்பரம், ப.சிதம்பரத்துக்கு மகனாக பிறந்தது என் தவறில்லை என்றும், என்னை கார்த்தியாக பாருங்கள் என்றும், ப.சிதம்பரம் மகனாக பார்க்க வேண்டாம் என்றும் கார்த்திக் சிதம்பரம் தெரிவித்துள்ளார்.
நேற்று மு.க.ஸ்டாலினை சந்தித்து வாழ்த்து பெற்ற கார்த்திக் சிதம்பரம், இன்று முதல் சிங்கங்கை தொகுதியில் தீவிர பிரச்சாரத்தில் களமிறங்கியுள்ளார் என்பது குறிப்பிடத்தக்கது
