ஐபிஎல்-ஐ அடுத்து சிபிஎல்-இல் கால் வைக்கும் பஞ்சாப் அணி
இந்தியாவில் ஐபிஎல் என்னும் இந்தியன் பிரிமியர் லீக் கிரிக்கெட் தொடர் போலவே மேற்கிந்திய தீவுகளில் சிபிஎல் எனக் கூறப்படும் கரீபியன் பிரீமியர் லீக் என்ற தொடர் கடந்த 7 ஆண்டுகளாக நடைபெற்று வருகிறது
சிபிஎல் தொடரில் மொத்தம் 6 அணிகள் உள்ள நிலையில் இதில் விளையாடும் செயின்ட் லூசியா ஜோக்ஸ் என்ற அணியை கிங்ஸ் லெவன் பஞ்சாப் அணி விலைக்கு வாங்கி உள்ளதாக செய்திகள் வெளிவந்துள்ளது
இதுகுறித்து பஞ்சாப் அணி உரிமையாளர் மோகித் சர்மா என்பவர் கூறியதாவது: உலகின் சிறந்த தொடர்களில் முதலீடு செய்ய ஆவலாக இருக்கின்றோம். சி.பி.எல் கிரிக்கெட் தொடர் கடந்த 7 ஆண்டுகளாக சிறப்பாக நடைபெற்று வருகிறது. நாங்கள் வாங்கியுள்ள அணியின் உடை மற்றும் பெயர் குறித்த அறிவிப்பு பிசிசிஐயின் அனுமதிக்கு பின்னர் அறிவிக்கப்படும்’ என்று கூறினார்.
