ஒரே நிறுவனத்தின் தயாரிப்பில் 3 படங்கள் நடிக்கும் ஜெயம் ரவி
கடந்த ஆண்டு ‘டிக் டிக் டிக்’ மற்றும் ‘அடங்கமறு’ ஆகிய இரண்டு வெற்றி படங்களில் நடித்த ஜெயம் ரவி தற்போது ‘கோமாளி’ என்ற படத்தில் நடித்து வருகிறார். இந்த படத்தில் ஜெயம்ரவிக்கு ஜோடியாக முதல்முறையாக காஜல் அகர்வால் நடிக்கவுள்ளார். மேலும் இந்த படம் முடிந்தவுடன் அவர் ‘தனி ஒருவன் 2’ படத்திலும் நடிக்கவுள்ளார் என்பது குறிப்பிடத்தக்கது
இந்நிலையில் ஒரே நிறுவனத்தின் தயாரிப்பில் அடுத்தடுத்து மூன்று படங்களில் நடிக்க ஜெயம் ரவி ஒப்பந்தமாகியுள்ளார். அந்நிறுவனம் ஸ்க்ரீன் சீன் என்ற நிறுவனம் என்பதும் இந்த மூன்று படங்களையும் மூன்று இளம் இயக்குனர்கள் இயக்கவுள்ளனர் என்பதும் குறிப்பிடத்தக்கது. இந்த தகவலை ஜெயம் ரவி தனது டுவிட்டரில் உறுதி செய்துள்ளார்.
இந்த மூன்று படங்கள் குறித்த அறிவிப்பு மிக விரைவில் வெளியாகவுள்ளது. எனவே இந்த ஆண்டில் மட்டும் ஜெயம் ரவிக்கு ஐந்து படங்கள் வெளியாக வாய்ப்பு உள்ளது
