ஓபிஎஸ் அவர்களுக்கு மைத்ரேயன் எம்பி ஆதரவு. பல எம்.எல்.ஏக்கள் ஆதரவு இருப்பதாக தகவல்
சசிகலா இன்று சட்டமன்ற உறுப்பினர்களின் கூட்டத்தை இன்று நடத்தி வருகிறார். அவருக்கு 130 எம்.எல்.ஏக்கள் ஆதரவு இருப்பதாக கூறப்படுகிறது.
எனினும் தற்போதைய நிலவரப்படி ஓ.பன்னீர்செல்வம் அவர்களுக்கு மூன்று எம்.எல்.ஏக்கள் மட்டும் ஆதரவு இருந்தாலும் இன்னும் ஒருசில நாட்களில் நடைபெறும் திருப்பங்களை அடுத்து ஓபிஎஸ் அவர்களுக்கு எம்.எல்.ஏக்களின் ஆதரவு அதிகரிக்கும் என்று கூறப்படுகிறது
இந்நிலையில் அதிமுக ராஜ்யசபா எம்பி மைத்ரேயன் கூறியதாவது: ஜெயலலிதாவின் நம்பிக்கைக்கு உரியவரான பன்னீர்செல்வத்தை, அவரே இருமுறை முதல்வராக நியமித்துள்ளார். மக்களால் தேர்ந்தெடுக்கப்பட்ட முதல்வருக்கு தான் அனைவரும் ஆதரவு அளிப்பார்கள். அ.தி.மு.க.,வில் பெரும்பாலான எம்.எல்.ஏக்களின் ஆதரவு பன்னீர்செல்வத்திற்கு தான் உள்ளது. இவ்வாறு நிருபர்களிடம் இவ்வாறு அவர் கூறினார்.
