கதை ஓகே என்றால் எந்த நடிகருடனும் நடிக்க தயார்: காஜல் அகர்வால்
அஜித், விஜய், சூர்யா, தனுஷ் உள்பட முன்னணி நடிகர்களுடன் நடித்தவர் நடிகை காஜல் அகர்வால். இவர் பெரிய நடிகர்களுடன் மட்டுமே நடிப்பதாக எழுந்த குற்றச்சாட்டுக்கு பேட்டி ஒன்றில் பதிலளித்துள்ளார்.
யாரோடு நடிக்கிறேன் என்பதை விட என்னமாதிரி கதாபாத்திரங்கள் தேர்வு செய்கிறேன் என்பது தான் முக்கியம். நல்ல கதை, கதாபாத்திரம் இருந்தால் எந்த நடிகர்களுடன் வேண்டுமானாலும் நடிப்பேன் என்று கூறியுள்ளார்.
மேலும் தற்போது தனது கவனம் முழுவதும் சினிமாவில் மட்டுமே இருப்பதாகவும், நேரம் வரும்போது திருமணம் செய்து கொள்வேன் என்றும் கூறினார்.
தமிழில் நடித்துள்ள பாரிஸ் பாரிஸ் படத்தை அதிகம் எதிர்பார்ப்பதாகவும், இந்த படம் தனக்கு நல்ல பெயரையும் அதிக வாய்ப்பையும் பெற்றுத்தரும் என்ற நம்பிக்கை இருப்பதாகவும் அவர் தெரிவித்தார்.
