கனமழை எதிரொலி: இன்று எந்தெந்த மாவட்டங்களுக்கு விடுமுறை?

கனமழை எதிரொலி: இன்று எந்தெந்த மாவட்டங்களுக்கு விடுமுறை?

தமிழகத்தில் கடந்த சில நாட்களாக வடகிழக்கு பருவமழை தீவிரம் அடைந்ததை அடுத்து சென்னை உள்பட பல பகுதிகளில் மிதமான மழை முதல் கனமழை பெய்து வருவது தெரிந்ததே

இதனை அடுத்து தமிழகத்தில் நேற்றும் நேற்று முன்தினமும் ஒரு சில மாவட்டங்களில் பள்ளி மற்றும் கல்லூரிகளுக்கு விடுமுறை அளிக்கப்பட்டுள்ளது என்பது குறிப்பிடத்தக்கது

இந்த நிலையில் நேற்று இரவு முதல் சென்னையிலும் தமிழகத்தின் பல பகுதிகளிலும் மழை பெய்து வருவதையடுத்து ஒரு சில மாவட்டங்களுக்கு மட்டும் இன்றும் பள்ளி, கல்லூரிகள் விடுமுறை என அறிவிக்கப்பட்டுள்ளது

குறிப்பாக கனமழை காரணமாக நீலகிரி மாவட்டத்தில் உள்ள4 தாலுகாவில் பள்ளி – கல்லூரிகளுக்கு இன்று விடுமுறை என அறிவிக்கப்பட்டுள்ளது. அதாவது உதகை, குந்தா, குன்னூர், கோத்தகிரி ஆகிய 4 தாலுகாவில் உள்ள பள்ளி, கல்லூரிகளுக்கு இன்று விடுமுறை என மாவட்ட ஆட்சியர் அறிவிப்பு செய்துள்ளார். மேலும் இன்னும் வேறு எந்த மாவட்டங்களுக்கு விடுமுறை அறிவிக்கப்பட உள்ளது என்பதை பொறுத்திருந்து பார்ப்போம்

அதுமட்டுமின்றி புதுச்சேரியில் கனமழை காரணமாக இன்று அரசு மற்றும் தனியார் பள்ளிகளுக்கு விடுமுறை என பள்ளி கல்வித்துறை அறிவிப்பு செய்துள்ளது