கனமழை எதிரொலி: சென்னை பள்ளிகளுக்கு விடுமுறை
சென்னை மாநகர் முழுவதும் நேற்று இரவு முதல் மழை பெய்து வருவதால் இன்று பள்ளிகளுக்கு மட்டும் விடுமுறை அளிக்கப்படுவதாக சென்னை மாவட்ட ஆட்சியர் சண்முகசுந்தரம் உத்தரவிட்டுள்ளார். அதேபோல காஞ்சிபுரம், திருவள்ளூர் மாவட்டங்களிலும் கன மழை பெய்து வருவதால் பள்ளி, கல்லூரிகளுக்கு விடுமுறை என இரு மாவட்ட ஆட்சியர்கள் அறிவித்துள்ளனர்.
மேலும் கனமழையால் நெல்லை, தூத்துகுடி மாவட்டங்களுக்கும் பள்ளிகள் விடுமுறை என அறிவிக்கப்பட்டுள்ளது.
மேலும் தமிழகத்தின் பல பகுதிகளிலும் நேற்று முதல் பரவலாக மழை பெய்து வருகிறது. அக்டோபர் 7-ஆம் தேதி தமிழகத்தில் அதீத கனமழை இருக்கும் என வானிலை ஆய்வு மையம் ரெட் அலர்ட் எச்சரிக்கை விடுத்துள்ளது. இதனால் தமிழகத்தில் நிவாரண முகாம்களை தயார் நிலையில் வைத்திருக்கவும் அறிவுறுத்தப்பட்டுள்ளது. மக்கள் அபாயகரமான இடங்களுக்கு செல்ல வேண்டாம் எனவும் கூறப்பட்டுள்ளது.
