காங்கிரஸ் கட்சியை கைவிடும் மாநில கட்சிகள்: அதிர்ச்சியில் ராகுல்காந்தி
சமீபத்தில் ஐந்து மாநில தேர்தல் தேதி அறிவிக்கப்பட்டுள்ள நிலையில் அரசியல் கட்சிகள் கூட்டணி அமைப்பதில் ஈடுபட்டுள்ளன.
இந்த நிலையில் இதற்கு முன்னர் காங்கிரஸ் கட்சியுடன் கூட்டணி வைத்த பகுஜன் சமாஜ் கட்சி, சமாஜ்வாதி கட்சி ஆகிய கட்சிகள் வரும் தேர்தலில் காங்கிரஸ் கட்சியுடன் கூட்டணி இல்லை என அறிவித்துள்ளது. இந்த நிலையில் தற்போது மார்க்க்ஸ்ட் கம்யூனிஸ்ட் கட்சியும் காங்கிரஸ் கட்சியுடன் கூட்டணி இல்லை என திட்டவட்டமாக அறிவித்துள்ளது. இதனால் காங்கிரஸ் தலைவர் ராகுல்காந்தி அதிர்ச்சி அடைந்திருப்பதாக காங்கிரஸ் வட்டாரங்கள் கூறுகின்றன.
கூட்டணி அமையாததால் காங்கிரஸ் கட்சிக்கு மத்திய பிரதேசம், ராஜஸ்தான், சட்டீஸ்கர், மிசோரம் மற்றும் தெலங்கானா மாநில சட்டசபை தேர்தல்களில் நெருக்கடி ஏற்பட்டிருப்பதாக அரசியல் விமர்சகர்கள் தெரிவித்து வருகின்றனர்.
