அதிர்ச்சியில் தொண்டர்கள்
திமுக எம்.எல்.ஏ அன்பழகன் ஏற்கனவே கொரோனாவால் பலியாகியுள்ள நிலையில் தற்போது திருவண்ணாமலை மாவட்டம் வந்தவாசியில் திமுக நகர செயலாளர் கொரோனா நோய் தொற்றால் உயிரிழந்தார் என்ற செய்தி அக்கட்சியின் தொண்டர்களை அதிர்ச்சி அடைய செய்துள்ளது
வந்தவாசி திமுக நகர செயலாளர் கோட்டை பாபு என்பவர் மூன்று முறை திமுக நகர கழக செயலாளராக பணியாற்றி வந்துள்ளார். இந்நிலையில் இவருக்கு மூச்சுத்திணறல் ஏற்பட்தாகவும், இதனால் கடந்த 2 நாட்களுக்கு முன்பு திருவண்ணாமலை மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டதாகவும் தெரிகிறது
இதையடுத்து அவருக்கு கொரோனா பரிசோதனை செய்ததில் கொரோனா நோய் தொற்று இருப்பது உறுதியானது. இதையடுத்து சிகிச்சையில் இருந்த அவர் நேற்று இரவு உயிரிழந்தார்.
திமுக நகர செயலாளர் கோட்டை பாபு மறைவிற்கு திமுக பிரபலங்கள் இரங்கல் தெரிவித்து வருகின்றனர்.
