நடிகர் சூரி பாராட்டு
தமிழகம் உள்பட இந்தியா முழுவதும் கொரோனா மிக வேகமாக பரவி வந்த போதிலும் கொரோனா மருந்து கண்டுபிடிக்க தீவிர முயற்சியில் மருத்துவர்கள் விஞ்ஞானிகள் உள்ளனர்
ஆனால் அதே நேரத்தில் சென்னையைச் சேர்ந்த வீரபாபு சித்த மருத்துவர் கொரோனாவால் பாதிக்கப்பட்டவர்களை குணமாக்கி வருகிறார்
சித்த மருத்துவர் வீரபாபு அவர்களுக்கு ஏற்கனவே ரஜினிகாந்த் உள்பட பலர் பாராட்டி உள்ளனர் என்பது குறிப்பிடத்தக்கது
இந்த நிலையில் சித்த வைத்தியர் வீரபாபு நடிகர் சூரி பாராட்டு தெரிவித்துள்ளார் அவர் இதுகுறித்து கூறியதாவது:
கொரோனா ஆறு மாதமாக அனைவரையும் முடக்கிப்போட்டு இருக்கிறது. குடும்பம், நண்பர்கள் என யாராக இருந்தாலும், உலகமே சமூக இடைவெளியை கடைபிடிக்கவேண்டிய கட்டாயத்தில் இருக்கிறோம்.
இந்த சூழலில், சென்னை சாலிகிராமம் ஜவஹர் வித்யாலயா கல்லூரியில் சித்த மருத்துவர் வீரபாபு, அவரது மூலிகை கசாயம் மூலமாய் கொரோனாவால் பாதிக்கப்பட்ட 3500க்கும் மேற்பட்டவர்களை குணப்படுத்தி வீட்டுக்கு அனுப்பி இருக்கிறாராம். ஆனால் ஒரு உயிரழப்பு கூட ஏற்படவில்லை.
எல்லாருமே அருகில் வர பயப்படும்போது நோயாளியைத் தொட்டு பரிசோதிக்கும் இவர் கடவுளாகவே தெரிகிறார். மிகவும் மகிழ்ச்சியாய் இருக்கிறது. இத்தனை பேரை காப்பாற்றிய, காப்பாற்றிக்கொண்டிருக்கிற உங்களையும், உங்கள் உடன் இருப்பவர்களையும், அந்த மதுரை மீனாட்சி எப்போதும் காப்பாற்ற வேண்டிக்கொள்கிறேன் என்று அறிக்கையை வெளியிட்டுள்ளார். முக்கியமாக அவர் கொடுக்கும் கசாயம், கறிக்குழம்பு மாதிரி இருப்பதாகக் குறிப்பிட்டிருக்கிறார்.
