கோவை சிறுமியை கொலை செய்தவன் அதிரடி கைது!
கடந்த வாரம் கோவை அருகே உள்ள துடியலூர் என்ற பகுதியில் 6 வயது சிறுமி பாலியல் வன்கொடுமை செய்து கொலையும் செய்த மர்ம நபர் ஒருவரை போலீசார் பத்து தனிப்படைகள் அமைத்து தேடி வந்தனர். மேலும் இந்த குற்றவாளி குறித்து தகவல் சொல்பவர்களுக்கு சன்மானம் வழங்கப்படும் என்றும் அறிவிக்கப்பட்டது
இந்த நிலையில் சந்தோஷ்குமார் என்பவரை போலீசார் கைது செய்தனர். தொண்டாமுத்தூரை சேர்ந்த சந்தோஷ்குமாரிடம் நடத்திய முதல்கட்ட விசாரணையில் சிறுமியை வன்கொடுமை செய்ததை ஒப்புக்கொண்டதாகவும் செய்திகள் வெளிவந்துள்ளது.
சந்தோஷ்குமாரிடம் போலீசார் மேலும் விசாரணை செய்து வருவதாகவும் இன்னும் இந்த குற்றத்தில் வேறு யாரும் சம்பந்தப்பட்டிருக்கின்றார்களா? என்ற ரீதியிலும் விசாரணை நடந்து வருகிறது
