சத்தான கறிவேப்பிலை சட்னி
கறிவேப்பிலையை தினமும் உணவில் சேர்த்து கொள்வது மிகவும் நல்லது. இப்போது சத்தான கறிவேப்பிலை சட்னி எப்படி செய்வது என்று பார்க்கலாம்.
சத்தான கறிவேப்பிலை சட்னி
தேவையான பொருட்கள்:
தேங்காய் – 1 துண்டு (துருவியது)
உளுத்தம் பருப்பு – 1 டேபிள் ஸ்பூன்
கறிவேப்பிலை – 1/4 கப்
பச்சை மிளகாய் – 3
புளி – கோலி குண்டு அளவு
கடுகு – 3/4 டீஸ்பூன்
எண்ணெய் – 2 டீஸ்பூன்
உப்பு – தேவையான அளவு
செய்முறை:
* முதலில் ஒரு வாணலியை அடுப்பில் வைத்து, அதில் உளுத்தம் பருப்பு போட்டு பொன்னிறமாக வறுத்த பின் கறிவேப்பிலை, பச்சை மிளகாய் சேர்த்து வறுத்து இறக்கிக் ஆற வைக்கவும்.
* ஆறியவுடன் அதனை மிக்ஸியில் போட்டு அதனுடன் துருவிய தேங்காய், புளி, உப்பு மற்றும் தேவையான அளவு தண்ணீர் ஊற்றி, நன்கு மென்மையாக அரைத்துக் கொள்ள வேண்டும்.
* கடாயில் எண்ணெய் ஊற்றி கடுகு, கறிவேப்பிலை போட்டு தாளித்து அரைத்த சட்னி கலவையில் ஊற்றி கலக்கவும்.
* சூப்பரான சத்தான கறிவேப்பிலை சட்னி ரெடி!!!
