சந்திரபாபு நாயுடு- திருமாவளவன் சந்திப்பு: விசிக மாநாட்டிற்கு அழைப்பு
வரும் டிசம்பர் மாதம் 10 ஆம் தேதி திருச்சியில் விடுதலை சிறுத்தைகள் கட்சியின் மாநாடு ஒன்று நடைபெறவுள்ளது. இந்த மாநாட்டில் பங்கேற்குமாறு முக்கிய தலைவர்களுக்கு அக்கட்சியின் தலைவர் திருமாவளவன் நேரில் அழைப்பு விடுத்து வருகிறார்
இந்த நிலையில் ஆந்திர முதலமைச்சர் சந்திரபாபு நாயுடுவை நேற்று விஜயவாடாவில் உள்ள தலைமைசெயலகத்தில் திருமாவளவன் சந்தித்து பேசினார்.
இந்த சந்திப்பின்போது வருகிற டிசம்பர் மாதம் 10 ஆம் தேதி திருச்சியில் நடைபெற உள்ள விடுதலை சிறுத்தைகள் மாநாட்டில் பங்கேற்குமாறு திருமாவளவன் அழைப்பு விடுத்தாகவும், இம்மாநாட்டில் பங்கேற்பது குறித்து விரைவில் தகவல் அளிப்பதாக சந்திரபாபு நாயுடு தெரிவித்தாகவும் விடுதலை சிறுத்தைகள் கட்சி வெளியிட்டுள்ள அறிக்கை ஒன்றில் தெரிவிக்கப்பட்டுள்ளது.
