சர்காரை சமாளிக்க முடியாமல் பின்வாங்கும் ‘திமிரு பிடிச்சவன்’?
விஜய் நடித்த ‘சர்கார்’ மற்றும் ஆர்.கே.சுரேஷ் நடித்த ‘பில்லா பாண்டி’ ஆகிய திரைப்படங்கள் வரும் தீபாவளி அன்று வெளியாகுவது உறுதி செய்யப்பட்டுள்ளது. இந்த படங்களின் புரமோஷன் அமோகமாக நடந்து வருகிறது.
இந்த நிலையில் தீபாவளி வெளியீடு என்று அறிவிக்கப்பட்ட விஜய் ஆண்டனியின் ‘திமிரு பிடிச்சவன்’ திரைப்படத்திற்கு போதுமான திரையரங்குகள் கிடைக்காததால் இந்த படத்தின் ரிலீஸ் நவம்பர் 16ஆம் தேதிக்கு தள்ளிப்போக வாய்ப்பு உள்ளதாக கூறப்படுகிறது. இது குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
விஜய் ஆண்டனி, நிவேதாஅ பேத்ராஜ், டேனியல் பாலாஜி, லட்சுமி ராமகிருஷ்ணன் உள்பட பலர் நடித்துள்ள இந்த படத்தை கணேஷா இயக்கியுள்ளார்.
