சிம்புவின் ‘மாநாடு’ தொடங்குவது எப்போது? புதிய தகவல்
சிம்பு நடிக்கும் ‘மாநாடு’ திரைப்படத்தின் படப்பிடிப்பு பிப்ரவரி 19ஆம் தேதி தொடங்கும் என ஏற்கெனவே அறிவிக்கப்பட்டிருந்த நிலையில் சற்று முன்னர் இதனை தயாரிப்பாளர் சுரேஷ் காமாட்சி உறுதி செய்துள்ளார்.
சிம்புவின் ‘மாநாடு’ திரைப்படம் நாளை முதல் ஐதராபாத்தில் உள்ள ராமோஜிராவ் பிலிம் சிட்டியில் தொடங்கவிருப்பதாகவும் சுமார் ஒரு மாதம் நடைபெறும் இந்த படப்பிடிப்பில் சுமார் 40% படப்பிடிப்பு முடிந்துவிடும் என்றும் அதன்பின்னர் இரண்டே கட்ட படப்பிடிப்புகளில் இந்த படத்தின் மொத்த படப்பிடிப்பும் முடிந்துவிடும் என்றும் படக்குழுவினர் தெரிவித்துள்ளனர்.
மாநாடு படத்தில் சிம்புவுடன் கல்யாணி பிரியதர்ஷன், பாரதிராஜா, எஸ்.ஏ. சந்திரசேகர், எஸ்.ஜே.சூர்யா, கருணாகரன், பிரேம்ஜி அமரன், மனோஜ், டேனியல் உள்பட பலர் நடிக்கவுள்ளனர். யுவன்ஷங்கர் ராஜாவின் இசையில் ரிச்சர்ட் நாதன் ஒளிப்பதிவில் ப்ரவீண் படத்தொகுப்பில் இந்த படம் உருவாகவுள்ளது என்பது குறிப்பிடத்தக்கது.
