சிவகார்த்திகேயனின் அடுத்த படத்தின் டைட்டில் இதுதான்
சிவகார்த்திகேயன் நடித்த ‘மிஸ்டர் லோக்கல் படத்தின் படப்பிடிப்பு முடிந்துவிட்ட நிலையில் அவர் தற்போது ரவிகுமார் மற்றும் மித்ரன் ஆகிய இரண்டு இயக்குனர்களின் படங்களில் நடித்து வருகிறார்.
இந்த நிலையில் சிவகார்த்திகேயன் தயாரித்த முதல் படமான ‘கனா’ திரைப்படம் சூப்பர் ஹிட் ஆகிய நிலையில் அவருடைய 2வது தயாரிப்பு படத்தின் படப்பிடிப்பு முடிவடைந்து தற்போது தொழில்நுட்ப பணிகள் நடைபெற்று வருகிறது
இந்த படத்திற்கு ‘நெஞ்சமுண்டு நேர்மையுடன்’ என்ற டைட்டில் வைக்கப்பட்டுள்ளதாக கூறப்படுகிறது. இதே ராமராஜன் நடித்த படம் ஒன்று வெளியாகியுள்ளது என்பதும் கடந்த 2016ஆம் ஆண்டு ஜீவா நடிக்கும் படம் ஒன்றுக்கு இந்த டைட்டில் தேர்வு செய்யப்பட்டது என்பதும் குறிப்பிடத்தக்கது
ரியோ ராஜ், ஷ்ரின், ராதாரவி, ஆர்ஜே விக்னேஷ்காந்த், நாஞ்சில் சம்பத் உள்பட பலர் நடித்துள்ள இந்த படத்தை கார்த்திக் வேணுகோபால் என்ற அறிமுக இயக்குனர் இயக்கியுள்ளார்.
