சிவகார்த்திகேயனுடன் நடித்து வரும் நாயகிகள்
சிவகார்த்திகேயன் நடிப்பில் ராஜேஷ் எம் இயக்கிய ‘மிஸ்டர் லோக்கல்’ படத்தில் நடிகை நயன்தாரா நடித்தார் என்பது தெரிந்ததே. அதேபோல் மித்ரன் இயக்கத்தில் உருவாகவுள்ள சிவகார்த்திகேயனின் அடுத்த படத்தில் பிரபல இயக்குனர் பிரியதர்ஷனின் மகள் கல்யாணி பிரியதர்ஷன் நாயகியாக நடிக்கவுள்ளார்.
இந்த நிலையில் பாண்டிராஜ் இயக்கத்தில் சன் பிக்சர்ஸ் தயாரிப்பில் உருவாகவுள்ள சிவகார்த்திகேயனின் அடுத்த படத்தில் ஐஸ்வர்யா ராஜேஷ் நடிக்கவுள்ளதாகவும் இதுகுறித்து அவரிடம் பேச்சுவார்த்தை நடந்து வருவதாகவும் கூறப்படுகிறது
சிவகார்த்திகேயன் தயாரித்த முதல் படமான ‘கனா’ படத்தில் நாயகியாக நடித்த ஐஸ்வர்யா ராஜேஷ், அந்த படத்தில் அபாரமான நடிப்பை வெளிப்படுத்தியதால் சிவகார்த்திகேயனே அவரை பரிந்துரை செய்ததாக கூறப்படுகிறது.
