சிவகார்த்திகேயன் படத்திற்கு எம்ஜிஆர் பாடல் டைட்டில்
எம்.ராஜேஷ் இயக்கத்தில் ‘மிஸ்டர் லோக்கல்’ படத்தை அடுத்து சிவகார்த்திகேயன் தற்போது இயக்குனர் ரவிகுமார் இயக்கும் படத்திலும், பி.எஸ்.மித்ரன் இயக்கத்தில் ஒரு திரைப்படத்திலும் நடித்து வருகிறார். அதுமட்டுமின்றி சன்பிக்சர்ஸ் தயாரிப்பில் இயக்குனர் பாண்டிராஜ் இயக்கத்திலும் ஒரு படத்தில் நடிக்கவுள்ளார்
இந்த நிலையில் தனது முதல் தயாரிப்பான ‘கனா’ திரைப்படம் மிகப்பெரிய வெற்றி பெற்றதை அடுத்து அவர் தற்போது இன்னொரு படத்தை தயாரித்து வருகிறார். ரியோராஜ், கலையரசன், விக்னேஷ் காந்த், நாஞ்சில் சம்பத் உள்பட பலர் நடித்து வரும் இந்த படத்தை கார்த்திக் வேணுகோபால் என்பவர் இயக்கி வருகிறார்.
இந்த நிலையில் இந்த படத்தின் டைட்டில் தற்போது அறிவிக்கப்பட்டுள்ளது. இந்த படத்திற்கு ‘நெஞ்சமுண்டு நேர்மையுண்டு ஓடு ராஜா’ என்ற டைட்டில் முடிவு செய்யப்பட்டு அதற்கான ஒரு வீடியோவும் வெளியாகியுள்ளது. இந்த டைட்டில் எம்ஜிஆர் படப்பாடலில் இருந்து எடுத்தது என்பது குறிப்பிடத்தக்கது
