சிவகார்த்திகேயன் பட இயக்குனருக்கு நன்றி சொன்ன ராதிகா!
சிவகார்த்திகேயன், நயன்தாரா நடிப்பில் இயக்குனர் ராஜேஷ் எம் இயக்கிய ‘மிஸ்டர் லோக்கல்’ திரைப்படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் இரவுபகலாக நடைபெற்று வருகிறது
இந்த நிலையில் இந்த படத்தில் சிவகார்த்திகேயன் அம்மா கேரக்டரில் நடித்துள்ள நடிகை ராதிகா, தன்னுடைய பகுதியின் டப்பிங் பணியை நேற்றுடன் முடித்தார். இதுகுறித்து ராதிகா தனது டுவிட்டரில் கூறியபோது, ‘இந்த படத்தில் நடித்தது ஜாலியான ஒரு பயணம் போல் இருந்ததாகவும், இதற்கான வாய்ப்பை கொடுத்த இயக்குனர் ராஜேஷூக்கு நன்றி என்றும் பதிவு செய்துள்ளார்.
ஹிப்ஹாப் தமிழா ஆதி இசையமைக்கும் இந்த படத்தில் சிவகார்த்திகேயன், நயன்தாரா, ராதிகா, யோகிபாபு, சதீஷ், ஆர்ஜே பாலாஜி, பிரகாஷ்ராஜ், ரோபோ சங்கர், ஆனந்த்பாபு, சுமன் உள்பட பலர் நடித்துள்ளனர். மேலும் இந்த படத்தில் கார்த்தி, ஆர்யா, ஜீவா, உதயநிதி மற்றும் ஜிவி பிரகாஷ் ஆகியோர் சிறப்பு தோற்றத்திலும் நடித்துள்ளனர் என்பது குறிப்பிடத்தக்கது
