சீஸ் ரோல்
என்னென்ன தேவை?
பிரெட் துண்டுகள் – 6
சீஸ் – ஒரு கப்
பச்சை மிளகாய் – 3
எலுமிச்சைச் சாறு – ஒரு டேபிள் ஸ்பூன்
முந்திரி – 2 டேபிள் ஸ்பூன்
மல்லித் தழை – சிறிதளவு
எண்ணெய், உப்பு – தேவையான அளவு
எப்படிச் செய்வது?
முந்திரியை எண்ணெயில் வறுத்து, தனியே வையுங்கள். சீஸ் துண்டுகள், பொடியாக நறுக்கிய பச்சை மிளகாய், உப்பு, எலுமிச்சைச் சாறு, மல்லித் தழை, வறுத்த முந்திரி இவற்றைச் சேர்த்து கலந்துவையுங்கள். பிரெட் துண்டுகளைத் தண்ணீரில் நனைத்துப் பிழிந்து, சீஸ் கலவையுடன் சேர்த்துப் பிசையுங்கள். பிசைந்த கலவையை நீளமாக உருட்டி (ரோல் போல செய்யுங்கள்), சூடான தோசைக் கல்லில் போட்டு, சுற்றிலும் எண்ணெய் ஊற்றி வேகவிடுங்கள். நன்றாக வெந்ததும் எடுத்துவிடுங்கள்.
உருட்டிய சீஸ் ரோலை சோள மாவில் புரட்டியெடுத்து, ஃப்ரிட்ஜில் அரை மணி நேரம் வைத்துப் பிறகு தவாவில் போட்டுப் பொரிக்கலாம்.
