சுந்தர் சியின் ‘இருட்டு’க்கு தேதி குறிச்சாச்சு!
நீண்ட இடைவெளிக்கு பின் சுந்தர் சி நடித்து வரும் திரைப்படம் ‘இருட்டு’. இந்த படத்தை அஜித் நடித்த ‘முகவரி’, விக்ரம் நடித்த ‘காதல் சடுகுடு’, உள்பட ஒருசில படங்களை இயக்கிய துரை இயக்கியுள்ளார். இந்த படம் ஜூன் மாதம் வெளியாகவிருப்பதாக அறிவிக்கப்பட்டுள்ளது. மேலும் இதுகுறித்த தகவலுடன் புதிய போஸ்டர் ஒன்றும் வெளியாகியுள்ளது
சுந்தர் சி, தன்ஷிகா முதல்முறையாக முக்கிய வேடத்தில் நடித்துள்ள இந்த படத்தில் விமலா ராமன், விடிவி கணேஷ், யோகிபாபு உள்பட பலர் நடித்துள்ளனர். ஸ்ரீகாந்த் தேவா இசையமைத்துள்ள இந்த படத்திற்கு ‘இரும்புத்திரை இயக்குனர் பிஎஸ் மித்ரன் திரைக்கதை எழுத எழுத்தாளர் ஜெயமோகன் வசனம் எழுதியுள்ளார். இந்த படத்தை கலைப்புலி எஸ்.தாணு தயாரித்து வருகிறார்
