சூப்பர் சிங்கர் செந்திலுக்கு வாய்ப்பு கொடுத்த அஜித்
அஜித் நடித்த ‘விஸ்வாசம்’ படத்தின் முதல் சிங்கிள் பாடலான ‘அடிச்சி நொறுக்கு’ பாடல் சமீபத்தில் வெளிவந்து இணையதளங்களை இன்னும் கட்டுக்குள் வைத்திருக்கும் நிலையில் இந்த படத்தின் இரண்டாவது சிங்கிள் பாடல் வெளியாகும் நாளும் நெருங்கிவிட்டது. இந்த பாடல் வெளியாகும் நாள் குறித்த அறிவிப்பு இன்னும் ஓரிரு நாட்களில் அறிவிக்கப்படவுள்ளது.
இந்த இரண்டாவது சிங்கிள் பாடல் ‘வேட்டியை மடிச்சுகட்டு’ என்ற பாடல் என்றும், இந்த பாடலை விஜய் டிவியில் நடைபெற்ற சூப்பர் சிங்கர் நிகழ்ச்சியில் டைட்டில் பட்டத்தை பெற்ற செந்தில் பாடியிருபப்தாகவும் தகவல் வெளிவந்துள்ளது. செந்தில் பாடியதை அறிந்த அஜித் மகிழ்ச்சி அடைந்ததாகவும், அவருக்கு அஜித் வாழ்த்து தெரிவித்ததாகவும் கூறப்படுகிறது.
பாடகர் செந்தில் ஹைபிட்சில் இந்த பாடலை பாடியிருப்பதாகவும் இந்த பாடல் திரையில் தோன்றும்போது ரசிகர்களின் கரகோஷத்தால் தியேட்டர் அதிரும் என்பது மட்டும் உண்மை என்றும் கூறப்படுகிறது.
