சென்னையில் இருவருக்கு கொரோனா வைரஸ் பாதிப்பு? அதிர்ச்சி தகவல்!
சீனாவில் ஆரம்பித்த கொரோனா வைரஸ் இந்தியா உள்பட உலகம் முழுவதும் பரவி வருவதாக கூறப்பட்டு வரும் நிலையில் பொதுமக்கள் மிகுந்த அச்சத்தில் உள்ளனர். இந்த கொரோனா வைரஸிலிருந்து மக்களை பாதுகாக்க அனைத்து நாடுகளின் அரசுகளும் தீவிர நடவடிக்கைகளை எடுத்து வருகிறது
இந்த நிலையில் அதிர்ச்சி செய்தியாக சென்னையில் 2 பேர்களுக்கு கொரோனா வைரஸ் அறிகுறி இருப்பதாக செய்திகள் வெளியாகியுள்ளது. சென்னை துறைமுகத்திற்கு கப்பலில் வந்த இரண்டு பேருக்கு கொரோனா வைரஸ் அறிகுறி இருப்பதாகவும் சீனாவிலிருந்து வந்த அந்த கப்பல் சென்னை துறைமுகத்துக்கு வந்த போது அதில் உள்ள இரண்டு பேர்களுக்கு வைரஸ் இருப்பது உறுதி செய்யப்பட்டுள்ளதாகவும் கூறப்படுகிறது
இந்த நிலையில் கொரோனா வைரஸ் பாதிக்கப்பட்டவர்கள் தனிமைப்படுத்தப்பட்டு தீவிரமாக கண்காணிக்கப்பட்டு வருவதாகவும் அவர்களுக்கு அளிக்க வேண்டிய சிகிச்சை குறித்து மருத்துவர்கள் ஆலோசனை செய்து வருவதாகவும் இவர்களுக்கு இருக்கும் கொரோனா வைரஸ் மற்றவர்களுக்கும் பரவாத வகையில் பாதுகாப்பு நடவடிக்கைகள் எடுக்கப்பட்டுள்ளதாக கூறப்படுகிறது
