சென்னை போயஸ் கார்டனில் ரஜினியை சந்தித்த மேரிகோம்
இந்தியாவுக்கு குத்துச்சண்டை போட்டியில் பல்வேறு பதக்கங்கள் பெற்று கொடுத்து பெருமை சேர்த்தவர் குத்துச்சண்டை வீராங்கனை மேரிகோம் என்பது தெரிந்ததே. இந்த நிலையில் இன்று மேரிகோம் அவர்கள் குழந்தைகளுக்காக ரஜினியின் மனைவி லதா ரஜினிகாந்த் நடத்தும் நிகழ்ச்சி ஒன்றில் சிறப்பு விருந்தினராக கலந்து கொள்ள சென்னை வந்தார்
லதா ரஜினிகாந்த் நடத்திய நிகழ்ச்சியில் கலந்து கொண்ட பின்னர் அவர் சூப்பர் ஸ்டார் ரஜினியை அவருடைய போயஸ் கார்டன் வீட்டில் மரியாதை நிமித்தமாக சந்தித்தார். இந்த சநதிப்பின்போது அவர் ரஜினியுடன் ஒரு பாக்ஸிங் போஸ் கொடுத்தார். இந்த புகைப்படம் தற்போது இணையதளங்களில் வைரலாகி வருகிறது.
இதே மேரிகோம் நேற்று மத்திய விளையாட்டுத்துறை அமைச்சருடன் நட்பு முறையில் பாக்ஸிங் விளையாடினார் என்பதும் இதுகுறித்த வீடியோ நேற்று டுவிட்டர் உள்ளிட்ட சமூக வலைத்தளங்களில் வைரலானது என்பதும் குறிப்பிடத்தக்கது
