சென்னையை சேர்ந்த கான்டிராக்டர் சேகர் ரெட்டிக்கு கட்டு கட்டாக புதிய 2000 ரூபாய் நோட்டுகள் எங்கிருந்து வந்தது என்று அதிகாரிகள் நடத்திய சோதனையில் பல திடுக்கிடும் தகவல் வெளியாகியுள்ளது.
பணம் கிடைக்காமல் நாடு முழுவதும் மக்கள் திண்டாடி வருகிறார்கள். ஏ.டி.எம்.களில் அதிகபட்சமாக 2 ஆயிரம் ரூபாய் மட்டுமே எடுக்க முடியும் என்ற நிலை உள்ளது. ஆனாலும், பண தட்டுப்பாட்டால் பெரும்பாலான ஏ.டி.எம்.கள் மூடியே கிடக்கின்றன.
இப்படிப்பட்ட ஒரு சூழ்நிலையில் சேகர் ரெட்டிக்கு மட்டும் 2 ஆயிரம் புதிய நோட்டுகள் 34 கோடி ரூபாய் அளவுக்கு கிடைத்தது எப்படி? என்று வருமானவரி துறையினர், அமலாக்க பிரிவினர் மற்றும் சி.பி.ஐ. அதிகாரிகள் ஆகியோர் இப்போது விசாரணையை தொடங்கி உள்ளனர். அதில், 2 ஆயிரம் ரூபாய் நோட்டு அச்சாகும் அச்சகத்தில் இருந்தே சேகர் ரெட்டிக்கு நேரடியாக வந்தது கண்டுபிடிக்கப்பட்டுள்ளது.
கான்டிராக்டர் சேகர் ரெட்டி வீட்டில் வருமான வரித்துறை அதிகாரிகள் அதிரடி சோதனை நடத்தினர்.சேகர் ரெட்டியின் சென்னை வீடு, அலுவலகங்கள், காட்பாடி வீடு ஆகியவற்றிலும் வருமான வரித்துறை அதிரடி சோதனை நடத்தியது தமிழக அரசியலில் பெரும் பரபரப்பை ஏற்படுத்தியது. முதல் ந்நாள் சேகர் ரெட்டி வீட்டில் இருந்து ரூ170 கோடி ரொக்கம், 130 கிலோ தங்கமும் பறிமுதல் செய்யப்பட்டது.
3வது நாள் சோதனையில் சேகர் ரெட்டி காரில் ரூ.24 கோடி பறிமுதல் செய்யப்பட்டது. இவை அனைத்துமே புதிய 2000 ரூபாய் நோட்டுக்கள் என்பதும் அதிர்ச்சியின் உச்சம். நாட்டு மக்கள் பணமின்றி தவிக்கும் நிலையில், வங்கி அதிகாரிகளை கைக்குள் போட்டுக்கொண்டு இந்த சதிச் செயலை அவர் செய்திருக்கலாம் என கூறப்படுகிறது. இது தொடர்பாக சேகர் ரெட்டியிடம் வருமான வரித்துறை அதிகாரிகள் விசாரணை நடத்தினர். அப்போது சென்னை சவுகார்பேட்டையைச் சேர்ந்த தரகர்கள் மூலமாக தம்மிடம் இருந்த ரூ.80 கோடி பழைய ரூ500, ரூ1,000 நோட்டுகளை புதிய ரூ2,000 நோட்டுகளாக மாற்றியதாக ஒப்புக் கொண்டிருக்கிறார் சேகர் ரெட்டி.
3 வது நாளாக சேகர் ரெட்டி வீட்டில் வருமான வரி சோதனை நடைபெற்றது. இதில் இன்றும் 40 கிலோ தங்கத்தை பறிமுதல்செய்தனர்.இதுவரை 179 கிலோ பிடிபட்டு உள்ளது.
அவரிடம் இருந்து 161 கோடி ரூபாய் ரொக்க பணம், 179 கிலோ தங்கம் ஆகியவை கைப்பற்றப்பட்டன. இந்த ரூ.161 கோடியில் 34 கோடி ரூபாய் புதிய 2 ஆயிரம் நோட்டுகள் என்பது குறிப்பிடத்தக்கது.
