ஜம்மு காஷ்மீர் மாநிலம், ரம்பானில் மலையில் இருந்து பேருந்து கீழே கவிழ்ந்த விபத்தில் 17 பேர் உயிரிழந்தனர். மேலும் 25 பேர் படுகாயம் அடைந்துள்ளனர். காயமடைந்த அனைவரும் ஸ்ரீநகர் அரசு மருத்துவமனையில் அனுமதிக்கப்பட்டுள்ளனர்.
ஜம்மு காஷ்மீரில் உள்ள ஜம்மு ஸ்ரீநகர் தேசிய நெடுஞ்சாலையில் ராம்பன் மாவட்டத்தில் இன்று காலை சென்று கொண்டிருந்த ஒரு பேருந்து திடீரென ஓட்டுனரின் கட்டுப்பாட்டை இழந்து மிகப்பெரிய பள்ளத்தில் விழுந்தது. விபத்து நடந்த இடத்திற்கு உடனடியாக ஹெலிகாப்டர் அனுப்பப்பட்டது. அதில் காயம் அடைந்தவர்கள் அனைவரையும் ஏற்றி மருத்துவமனைக்கு அவசரமாக அழைத்து செல்லப்பட்டனர்.
ஜம்முவில் உள்ள ராணுவ முகாமும், மீட்புப்படையினர்களும் துரிதமாக மீட்பு நடவடிக்கையில் ஈடுபட்டுள்ளனர். பேருந்தில் பயணம் செய்தவர்கள் குஜாரத்தில் இருந்த வந்த சுற்றுலாப்பயணிகள் என முதல்கட்ட விசாரணையில் தெரிய வந்துள்ளது.
