டெல்லியில் இருந்து திரும்பிய திமுக எம்பிக்கள் காவேரி மருத்துவமனைக்கு விரைவு
திமுக தலைவர் கருணாநிதி நேற்று மாலை கவலைக்கிடமாக இருப்பதாக தகவல்கள் வெளிவந்த நிலையில் டெல்லியில் உள்ள திமுக எம்பிக்களும், தமிழகத்தில் உள்ள திமுக எம்.எல்.ஏக்களும் சென்னை திரும்பி கொண்டிருந்தனர்.
இந்த நிலையில் சற்றுமுன் டெல்லியில் இருந்து சென்னை திரும்பிய திமுக எம்.பிக்கள், திருச்சி சிவா, டிகேஎஸ் இளங்கோவன் ஆகியோர் காவேரி மருத்துவமனைக்கு வருகை தந்துள்ளனர். அவர்கள் கருணாநிதியின் உடல்நிலை குறித்து அவருடைய உறவினர்களிடம் ஆலோசனை செய்ததாக கூறப்படுகிறது.
திமுகவின் எம்.எல்.ஏக்கள், எம்பிக்கள் அனைவரும் சென்னையில் குவிந்துள்ளதால் அவர்களுக்கான பாதுகாப்பு ஏற்பாடுகளும் பலப்படுத்தப்பட்டுள்ளன. பாதுகாப்பு ஏற்பாடுகள் குறித்து போக்குவரத்து, காவல் துணை ஆணையர்களுடன் காவல் ஆணையர் விஸ்வநாதன் ஆலோசனை நடத்தினார். மேலும் காவேரி மருத்துவமனை பகுதியில் போக்குவரத்து மாற்றம் செய்யப்பட்டுள்ளது.
