தனித்து போட்டி: தினகரனுக்கு ரகசிய தகவல் அனுப்பிய சசிகலா?
அதிமுக, திமுக என இரு கூட்டணியிலும் கட்சிகள் சேர்க்கும் படலங்கள் கடந்த சில நாட்களாக நடைபெற்று வந்த நிலையில் எந்தவித பரபரப்பும் இன்றி வேடிக்கை பார்த்து வரும் கட்சிகளில் ஒன்று தினகரனின் அமமுக. இதுவரை கூட்டணி குறித்து எந்த கட்சியிடமும் அதிகாரபூர்வ பேச்சுவார்த்தை நடத்தாத அமமுக, 40 தொகுதியிலும் தனித்து போட்டியிட முடிவு செய்துவிட்டதாம். தினகரனின் ஆதர்வாளர்கள் சமீபத்தில் பெங்களூர் சென்று சசிகலாவை சந்தித்ததாகவும், சசிகலா சொல்லி அனுப்பிய ரகசிய தகவல் காரணமாகவே இந்த முடிவை தினகரன் எடுத்ததாக கூறப்படுகிறது
எந்த கட்சியுடனும் கூட்டணி வேண்டாம். நாம் நம் பலத்தை நிரூபிக்க வேண்டிய கட்டாயத்தில் உள்ளோம். எனவே 40 தொகுதிகளிலும் தனித்து போட்டி என்று சசிகலா கூறியதாகவும், அதனை ஏற்றுக்கொண்ட தினகரன், வேட்பாளர் தேர்வில் கவனம் செலுத்தி வருவதாகவும், வேட்பாளர் தேர்வில் தகுதிநீக்கம் செய்யப்பட்ட 18 பேர்களுக்கு முன்னுரிமை அளிக்க முடிவு செய்திருப்பதாகவும் கூறப்படுகிறது.
