தமிழகத்தில் மாநிலங்களவை தேர்தல்: தேர்தல் அதிகாரி நியமனம்

தமிழகத்தில் மாநிலங்களவை தேர்தல்: தேர்தல் அதிகாரி நியமனம்

தமிழகத்தில் மாநிலங்களவை தேர்தல் ஜூலை 18 ஆம் தேதி நடக்கவுள்ள நிலையில், தேர்தல் நடத்தும் அதிகாரியாக சட்டப்பேரவை செயலாளர் சீனிவாசன் நியமனம் செய்யப்பட்டுள்ளார்.

தமிழ்நாடு தலைமை தேர்தல் அதிகாரி சத்ய பிரதா சாஹு இதுகுறித்து அறிக்கை ஒன்றை வெளியிட்டுள்ளார். அதில் கூறியிருப்பதாவது:

தமிழகத்தில் மாநிலங்களவை தேர்தல் நடத்தும் அதிகாரியாக சட்டப்பேரவை செயலாளர் சீனிவாசன் நியமனம் செய்யப்பட்டுள்ளார். அதேபோல் உதவி தேர்தல் நடத்தும் அதிகாரியாக சட்டமன்ற கூடுதல் செயலாளர் நியமனம் செய்யப்பட்டுள்ளார்.

இந்த தேர்தலில் போட்ட்யிடுபவர்கள் வேட்புமனு தாக்கல் செய்ய வேட்புமனு மற்றும் பிற ஆவணங்களோடு ஜூலை 1 ஆம் தேதி முதல் ஜூலை 8 ஆம் தேதி வரை காலை 11 மணி முதல் பிற்பகல் 3 மணி வரை தாக்கல் செய்யலாம்.

ஜூலை 7ஆம் தேதி ஞாயிற்றுக்கிழமை என்பதால் அன்றைய தினம் வேட்புமனு பெறப்படமாட்டாது. மேலும், வாக்குப்பதிவு, தேவைப்படின், “சட்டமன்ற குழுக்கள் அறையில்” ஜூலை 18ஆம் தேதி வாக்குப்பதிவு நடைபெறும்

இவ்வாறு அந்த அறிக்கையில் தெரிவிக்கப்பட்டுள்ளது