தாடி வைத்தவர் பிரதமராகும் போது தாடி வைத்த நான் ஏன் முதல்வராக கூடாது? சரத்குமார்
நடிகரும் அகில இந்திய சமத்துவ மக்கள் கட்சியின் தலைவருமான சரத்குமார், பாராளுமன்ற தேர்தல் நெருங்குவதை அடுத்து தீவிர அரசியலில் கவனம் செலுத்தி வருகிறார். தனது கட்சி கூட்டங்களில் அடிக்கடி கலந்து கொள்ளும் அவர், கூட்டணி குறித்த சில பேச்சுவார்த்தைகளையும் ஒருசில கட்சிகளுடன் நடத்தி வருகிறார்.
இந்த நிலையில் இன்று செய்தியாளர்களை சந்தித்த சரத்குமார், ‘தாடி வைத்த மோடி பிரதமராக இருக்கும் போது தாடி வைத்த நான் ஏன் முதல்வராக கூடாது என்று கேள்வி எழுப்பியுள்ளார்.
ரஜினிகாந்த், கமல்ஹாசன் போன்றவர்கள் தற்போது கட்சி ஆரம்பித்துவிட்டு முதல்வர் பதவிக்கு ஆசைப்படும் நிலையில் 20 வருடங்களுக்கும் மேல் அரசியல் கட்சி நடத்தி வரும் சரத்குமார் முதல்வர் பதவிக்கு ஆசைப்படுவது தவறில்லை என்றே நெட்டிசன்கள் கருத்து தெரிவித்துள்ளனர்.
