தினகரனை நான் சந்தித்ததாக கூறுவது கடந்தகாலம்: துணை முதல்வர் ஓபிஎஸ்
டிடிவி தினகரனை துணை முதல்வர் ஓபிஎஸ் சந்தித்து முதல்வர் ஈபிஎஸ் தலைமையிலான ஆட்சியை கவிழ்க்க முயன்றதாக தங்கத்தமிழ்செல்வன் கூறிய நிலையில் இதற்கு பதிலளித்த ஓபிஎஸ் அவர்கள் அது கடந்த காலம் என கூறினார்
இன்று சென்னை விமான நிலையத்தில் நிருபர்கள், தங்க தமிழ்செல்வன் பேட்டி குறித்து கேள்வி எழுப்யப்போது ‘அவரது பேட்டியை முழுமையாக படிக்கவில்லை என்றும், படித்த பிறகு இதற்கு பதில் அளிப்பதாக துணை முதல்வர் கூறிக்னாஅர்.
மீண்டும் நிருபர்கள் தினகரனை நீங்கள் சந்தித்தீர்களா? என்று கேள்வி எழுப்பினர். அதற்கு சென்னைக்கு சென்ற பிறகு பத்திரிகையாளர்களிடம் விரிவாக பேசுகிறேன் என்றார். தொடர்ந்து நிருபர்கள் விடாமல் அவரிடம் டி.டி.வி.தினகரனை நீங்கள் பார்த்தீர்களா? என்றதற்கு, அது கடந்த காலம் என்று தெரிவித்தார்.
மேலும் மழை பாதிப்புகளை தடுக்க, முழுமையான நடவடிக்கைகளும், முன்னெச்சரிக்கை நடவடிக்கைகளும் எடுக்கப்பட்டு வருகிறது என்று தெரிவித்து விட்டு சென்றார்.
