திமுக கூட்டணியில் இணைந்த மேலும் ஒரு கட்சி
திமுக கூட்டணியில் ஏற்கனவே காங்கிரஸ் இணைந்து 10 தொகுதிகளை பெற்றுள்ள நிலையில் இன்று இந்திய ஜனநாயகக் கட்சி தி.மு.க. கூட்டணியில் இணைந்துள்ளது.
சென்னை அண்ணா அறிவாலயத்தில் இன்று காலை 10.30 மணியளவில் துரைமுருகன் தலைமையிலான கூட்டணிப் பேச்சுவார்த்தைக் குழுவினரை பாரிவேந்தர் உள்ளிட்ட இந்திய ஜனநாயகக் கட்சியின் முக்கிய நிர்வாகிகள் சந்தித்து பேச்சுவார்த்தை நடத்தினர்.
பேச்சுவார்த்தை முடிந்து இன்னும் சில நிமிடங்களில் கூட்டணி ஒப்பந்தம் கையெழுத்தாகும் என்றும் எதிர்பார்க்கப்படுகிறது. இந்திய ஜனநாயகக் கட்சிக்கு ஒரு தொகுதி ஒதுக்கீடு செய்யப்படக்கூடும் என்றும் அந்தக் கட்சியின் வேட்பாளர் உதயசூரியன் சின்னத்தில் போட்டியிடுவார் என்றும் கூறப்படுகிறது.
