திமுக கூட்டணியில் விசிக உண்டா? இன்று இறுதிகட்ட பேச்சுவார்த்தை
திமுக கூட்டணியில் விசிக இடம்பெற்றிருப்பதாக கூறப்பட்டாலும் தொகுதி உடன்பாடு குறித்த பேச்சுவார்த்தையில் இழுபறி ஏற்பட்டதால் அக்கூட்டணியில் விசிக இடம்பெறுமா? என்ற சந்தேகம் ஏற்பட்டது
இந்த நிலையில் கூட்டணியை உறுதி செய்ய இன்று இறுதிக்கட்ட பேச்சுவார்த்தை நடைபெறவுள்ளது. மக்களவை தேர்தல் தொகுதி பங்கீடு பற்றி திமுக – விசிக 2ம் கட்ட பேச்சுவார்த்தை இன்று சென்னையில் அண்ணா அறிவாலயத்தில் நடைபெறவிருப்பதாகவும் இந்த பேச்சுவார்த்தையில் மு.க.ஸ்டாலின் உள்ளிட்ட திமுக தலைவர்களும், திருமாவளவனும் பங்கேற்க இருப்பதாகவும் கூறப்படுகிறது
முன்னதாக நேற்றே திருமாவளவன் கூட்டணி குறித்த பேச்சுவார்த்தைக்கு வருவதாக இருந்தது. ஆனால் விசிக இணையதள தொடக்க நிகழ்ச்சியில் கலந்துகொள்ள இருந்ததால் திமுகவுடனான தொகுதி பங்கீட்டு பேச்சுவார்த்தைக்கு செல்ல முடியவில்லை என திருமாவளவன் விளக்கம் அளித்திருந்தார்.
