திமுக நிர்வாகிகளுடன் மு.க.ஸ்டாலின் முக்கிய ஆலோசனை
திமுக தலைவர் கருணாநிதி சிகிச்சை பெற்று வரும் காவேரி மருத்துவமனை வளாகத்தில் தி.மு.க மூத்த நிர்வாகிகளுடன் அக்கட்சியின் செயல் தலைவர் ஸ்டாலின் முக்கிய ஆலோசனை செய்து வருவதாக தகவல் வந்துள்ளது. இந்த ஆலோசனையில் கலந்து கொள்வதற்காக சற்றுமுன் தி.மு.க தலைமை நிலைய மேலாளர்கள் ஜெயக்குமார், பத்மநாபன் காவேரி மருத்துவமனைக்கு வருகை தந்தனர்
இந்த நிலையில் காவேரி மருத்துவமனை வளாகத்திற்கு கூடுதலாக போலீசார் வரவழைக்கப்பட்டு வருகின்றனர். இன்று மாலை காவேரி மருத்துவமனையின் நிர்வாகம் கருணாநிதியின் உடல்நிலை குறித்த அறிக்கை ஒன்றை வெளியிட திட்டமிட்டுள்ளதால் இந்த பாதுகாப்பு ஏற்பாடுகள் செய்யப்பட்டு வருகின்றன.
மேலும் காவேரி மருத்துவமனைக்கு விடுதலைச்சிறுத்தைகள் தலைவர் திருமாவளவன் வருகை ஏற்கனவே வைகோ உள்ளிட்ட தலைவர்கள் காவேரி மருத்துவமனையில் உள்ளனர்
