திருப்பரங்குன்றம் இடைத்தேர்தலில் ஒரு லட்சம் வாக்குகள் வித்தியாசத்தில் வெற்றி: டிடிவி தினகரன்
கடந்த சில நாட்களுக்கு முன்னர் திருப்பரங்குன்றம் தொகுதி அதிமுக எம்.எல்.ஏ போஸ் மரணம் அடைந்துள்ளதால் அந்த தொகுதிக்கு விரைவில் இடைத்தேர்தல் வரவுள்ளது. இதனையடுத்து ‘திருப்பரங்குன்றம் இடைத்தேர்தலில் ஆர்.கே.நகர் தேர்தல்போல் சரியான பாடம் புகட்டுவோம் என்றும், திருப்பரங்குன்றத்தில் குக்கர் சின்னத்தில் ஒரு லட்சம் வாக்குகள் வித்தியாசத்தில் வெற்றி பெறுவோம்’ என்றும் டிடிடி தினகரன் கூறியுள்ளார்.
நேற்று மன்னார்குடியில் நடந்த கூட்டம் ஒன்றில் பேசிய தினகரன் வரும் திருப்பரங்குன்றம் இடைத்தேர்தலில் அதிமுக, திமுக ஆகிய இரண்டு கட்சிகளுக்கும் பாடம் புகட்டுவோம் என்றும், ஆர்.கே.நகர் இடைத்தேர்தல் போல் இந்த தொகுதியிலும் வெற்றி பெறுவோம் என்றும் கூறினார்.
சமீபத்தில் நடந்த ஆர்.கே. நகர் இடைத்தேர்தலில் அதிமுக இரண்டாவது இடத்தையும் திமுக டெபாசிட் இழந்தது என்பதும் குறிப்பிடத்தக்கது.
அதிமுக, திமுக ஆகிய கட்சிகளுக்கும் திருப்பரங்குன்றம் இடைத்தேர்தல் மிக முக்கியமான ஒன்று என்பது குறிப்பிடத்தக்கது.
திருப்பரங்குன்றம், ஆர்.கே.நகர், இடைத்தேர்தல், தினகரன், Dinakaran, tiruparangundram, r.k.nagar
We will give lesson in Tiruparangundram election says Dinakaran
