தொடரை வெல்வது யார்? இந்தியா-ஆஸ்திரேலியா இன்று பலப்பரிட்சை
இந்தியாவுக்கு சுற்றுப்பயணம் செய்து வரும் ஆஸ்திரேலிய கிரிக்கெட் அணி 5 ஒருநாள் போட்டி மற்றும் 3 டி-20 போட்டிகளில் விளையாடி வருகிறது. ஏற்கனவே 4-1 என்ற கணக்கில் இந்தியா ஒருநாள் தொடரை வென்றுவிட்ட நிலையில் டி-20 தொடரில் இரு அணிகளும் தலா ஒரு வெற்றியை பெற்றுள்ளன
இன்று ஐதராபாத்தில் நடைபெறும் 3வது டி-20 போட்டியில் வெற்றி பெறும் அணியே தொடரை வெல்லும் என்ற நிலை உள்ளது. ஒருநாள் தொடரை இழந்த ஆஸ்திரேலியா, இந்த தொடரையாவது வென்று வெற்றியுடன் நாடு திரும்ப வேண்டும் என்ற முனைப்புடன் இன்று விளையாடும்
அதேபோல் ஒருநாள் தொடரை வென்றது போல் டி-20 தொடரையும் வெல்ல வேண்டும் என்ற நோக்கத்தில் இந்திய அணியும் விளையாடும். இந்திய அணியில் ரோஹித் சர்மா, தவான், விராத் கோஹிலி, தோனி, ஜாதவ், பாண்டியா உள்ளிட்ட பேட்ஸ்மேன்கள் நல்ல ஃபார்மில் இருப்பதால் இன்றைய போட்டியில் இந்திய அணி வெற்றி பெற அதிக வாய்ப்பு இருப்பதாக எதிர்பார்க்கப்படுகிறது. இந்த போட்டி இன்று இரவு 7 மணிக்கு தொடங்குகிறது
