நடிகர்கள் இனி அரசியலில் வெற்றி பெற முடியாது: திருமுருகன் காந்தி
சமீபத்தில் குண்டர் சட்டத்தில் கைது செய்யப்பட்டு பின்னர் நீதிமன்றத்தால் விடுவிக்கப்பட்ட திருமுருகன் காந்தி நேற்று சென்னை தி.நகரில் நடைபெற்ற தமிழின உரிமை மீட்புப் பொதுக்கூட்டத்தில் பங்கேற்றார். அப்போது அவர் இனிமேல் தமிழகத்தில் நடிகர்கள் அரசியலில் வெற்றி பெற முடியாது என்று பேசினார். அவர் மேலும் கூறியதாவது:
நடிகர்கள் என்ற அடையாளத்தை மட்டும் வைத்துக்கொண்டு அரசியலுக்கு வந்தால் நடிகர்கள் தோல்வியடைவார்கள். மக்கள் போராட்டங்களில் கலந்து கொள்ளாதவர்களுக்கு மக்கள் வாய்ப்பளிக்க மாட்டார்கள்”,என்று தெரிவித்தார்.
தொடர்ந்து பேசிய அவர், “கருப்பு சட்டை போடக் கூட உரிமையில்லை, கடற்கரையில் கூட்டம் நடத்த முடிவதில்லை. இந்த அடிமைத்தனத்திலிருந்து தமிழகத்தை மீட்பது பற்றி அனைவரும் ஒன்றாகக் கூடி முடிவெடுக்க வேண்டும்”, என்று வலியுறுத்தியுள்ளார்.
