நயன்தாராவுக்கு மாஸ் கட்-அவுட். வியப்பில் முன்னணி நடிகர்கள்
தமிழகத்தில் இதுவரை ரஜினி, கமல், அஜித், விஜய் ஆகிய மாஸ் நடிகர்களுக்கு மட்டுமே பெரிய அளவில் மாஸ் கட்-அவுட்டுக்கள் திரையரங்குகளில் வைப்பதுண்டு. ஆனால் முதல்முறையாக நடிகை நயன்தாராவுக்கு சென்னை ஆல்பர்ட் திரையரங்கில் நேற்று வெளியான டோரா படத்தின் மிகப்பெரிய கட்-அவுட் ஒன்றை வைத்து அசத்தியுள்ளனர்.
கடந்த சில மாதங்களாக நயன்தாரா லேடி சூப்பர் ஸ்டார் என்று அழைத்து வரும் நிலையில் அந்த பட்டத்திற்கு பொருத்தமானவர் என்பது தற்போது நிரூபிக்கப்பட்டுள்ளதாக கூறப்படுகிறது.
அதேபோல் நேற்று வெளியான ‘டோரா’ திரைப்படம் முன்னணி நடிகர்களுக்கு இணையாக ஓப்பனிங் வசூல் பெற்றதால் பிரபல இயக்குனர்கள் நயன்தாராவுக்காக கதை எழுத ஆரம்பித்துவிட்டனர். நயன்தாராவின் வளர்ச்சியை பார்த்து கோலிவுட்டின் முன்னணி நடிகர்களே வியப்பில் இருப்பதாக சொல்லப்படுகிறது.
