நாடாளுமன்ற தேர்தலில் மன்மோகன்சிங் போட்டியிடுவாரா?
முன்னாள் பிரதமர் மன்மோகன் சிங் அமிர்தசரஸ் தொகுதியில் போட்டியிடுவார் என்று வெளியான செய்திக்கு பஞ்சாப் முதலமைச்சர் அமரிந்தர் சிங் மறுப்பு தெரிவித்துள்ளார்.
நாடாளுமன்ற தேர்தலில் ஆம் ஆத்மி கட்சியும், காங்கிரஸ் கட்சியும் கூட்டணி அமைக்கவுள்ளதாகவும், இதனையடுத்து பஞ்சாப் மாநிலம் அமிர்தசரஸ் தொகுதியில் மன்மோகன்சிங் போட்டியிடவுள்ளதாகவும் வெளிவந்துள்ள தகவல் உண்மை இல்லை என்று திட்டவட்டமாக பஞ்சாப் முதலமைச்சர் அமரிந்தர் சிங் மறுத்துள்ளார்.
மேலும் ஆம் ஆத்மி கட்சியுடன் கூட்டணி இல்லை எனவும், அமிர்தசரஸில் போட்டியிட மன்மோகன் சிங்குக்கு விருப்பம் இல்லை என்பதால் அவர் போட்டியிடமாட்டார் எனவும் உறுதிபடத் தெரிவித்துள்ளார். இந்த நிலையில் மன்மோகன்சிங், டெல்லியில் உள்ள ஒரு தொகுதியில் போட்டியிட வாய்ப்பு உள்ளதாக காங்கிரஸ் வட்டாரங்கள் தெரிவிக்கின்றன
