நீட் தேர்வு போராட்டம்: தமிழகம் முழுவதும் மாணவர்கள் தீவிரம்
அரியலூர் அனிதாவின் மரணத்திற்கு பின்னர் நீட் தேர்வு எதிர்ப்பு குறித்து மாணவர்களிடையே அதிக விழிப்புணர்வு ஏற்பட்டு கடந்த நான்கு நாட்களாக தமிழகம் முழுவதும் போராட்டங்கள் தீவிரப்படுத்தப்பட்டுள்ளது.
இந்த நிலையில் நீட் தேர்வு போராட்டம் எதிரொலியாக கோவை அரசு கலை கல்லூரிக்கு காலவரையற்ற விடுமுறை அறிவிக்கப்பட்டுள்ளதாக அக்கல்லூரி முதல்வர் அறிவித்துள்ளார். அதேபோல் சென்னை புதுக்கல்லூரிக்கும் இன்று விடுமுறை அளிக்கப்பட்டுள்ளது.
நீட் தேர்வுக்கு எதிர்ப்பு தெரிவிக்கும் வகையில் ஸ்ரீவில்லிப்புத்தூர் ஆண்டாள் கோவில் கோபுரம் மீது ஏறி இளைஞர்கள் மற்றும் மாணவர்கள் போராட்டம் நடத்தி வருவதால் அப்பகுதியில் பெரும் பரபரப்பு ஏற்பட்டுள்ளது
