பாஜக, காங்கிரஸ் 2 கட்சிகளுக்கும் பெரும்பான்மை கிடைக்காது: டிடிவி தினகரன்
வரும் மக்களவை தேர்தலில் பாஜக, காங்கிரஸ் ஆகிய 2 கட்சிகளுக்கும் பெரும்பான்மை கிடைக்காமல் மாநில கட்சிகள் தயவில்தான் மத்தியில் ஆட்சி அமையும் என்று அமமுக துணை பொதுச்செயலாளர் டிடிவி தினகரன் கூறியுள்ளார்.
தேர்தல் ஆணையம் தனிச்சின்னம் குறித்த ஒரு பட்டியலை அனுப்பி தேர்வு செய்ய கூறியபோது ஜெயலலிதா அறிவித்த தாய், சேய் நலப் பெட்டகம் நினைவாக பரிசுப்பெட்டி சின்னத்தை தேர்வு செய்ததாகவும் தினகரன் மேலும் தெரிவித்தார்.
ஆளுங்கட்சி வேட்பாளர்கள் வீடுகள், கார்களில் ஏன் சோதனை நடத்துவதில்லை? என்று கேள்வி எழுப்பிய தினகரன், எங்களுக்கு இயக்கம் தான் பெரியது, எங்களுக்கு கழகத்தின் தொண்டர்கள் தான் உயிர் மூச்சு, எங்களுக்கு தொண்டர்களின் விருப்பம் தான் ஒரே எண்ணம் என்றும் தெரிவித்தார்.
