பாஜக பிரமுகர் கொலை: சர்வதேச கபடி வீரர் கைது
சமீபத்தில் பாஜக பிரமுகர் கஜேந்திரபாலி என்பவர் மோட்டார் சைக்கிளில் வந்த அடையாள தெரியாத இருவரால் சுட்டு கொல்லப்பட்டார். தலைநகர் டெல்லியில் இந்த சம்பவம் பெரும் அதிர்வலைகளை ஏற்படுத்திய நிலையில் கொலையாளிகளை பிடிக்க போலீசார் தனிப்படை அமைத்து தேடி வந்தனர்.
இந்த நிலையில் செப்டம்பர் 11ஆம் தேதி இந்த கொலை தொடர்பாக ஒருவர் கைது செய்யப்பட்டு தீவிரமாக விசாரிக்கப்பட்டு வந்தார். அவர் கொடுத்த தகவலின் அடிப்படையில் முன்னாள் கபடி வீரர் ராஜு பேஹல்வான் என்பவர் கைது செய்யப்பட்டுள்ளார்.
ரூ.10 லட்சம் பணத்திற்காக இருவரும் இந்த கொலையில் ஈடுபட்டதாக விசாரணையில் தெரிய வந்துள்ளது. இவர்களுக்கு பணம் கொடுத்து கொலை செய்ய சொன்னது யார் என்பது குறித்து விசாரணை நடந்து வருகிறது.
